Kanata hanivaivigiya Ukiuqtaqtuq havagutai pipkaqniaturiaqaqni havikhat niuviakhat hakugikhigiaqnilu Ukiuqtaqtuq nunaliuyut

Tuhaayakhat
Tuhaqtitaunariqtukhaq

Mai 20, 2026 — Iqaluit, Nunavut Nunamittutuqat Piqaqnit Kanata

Tapkuat Kavamatkut Kanata hanayai atugakhaliat hanivavigini hivunmugiaqnia Kanataup aturialgit havikhat pilaqni, hakugikhigiaqni Ukiuqtaqtuq nunatagaunia pinguqnilu hivituyuq maniliurutit ayuruiqni ukiuqtaqtuq Nunaqaqaqtutlu nunaliuyut.

Ublumi, tamna Nanngarnaqtuq Tim Hodgson, Minista Ikumatyutit Nunamittutuqatlu Piqaqnit, tuhaqhityutigiya avataani $55 milian kavamatuqatkut maniktat malruknut havanguyuk hakugikhigialaqtat Ukiuqtaqtuq havagutai, ikayutit aulaqtitat allatqikni ikayuqnilu piruqhaqni huniumaitni Kanatamiut havikhat ilakhaqaqvit.

Atuqhugu tamna First and Last Mile Fund (Hivulliq tamnalu Kingulliq Mailat Maniktat), parnaiyainiq hananiahaqtitlugulu tamna West Kitikmeot Resources Corporationkut Grays Bay Apqut Tulakviklu havanguyuq angiqtauvaliayuq tikitlugu $50 milian. Una maniktaq hivunmuktitniaga tamna uuktut itiyuq Ukiuqtaqtumi tulakvik talvani Grays Bay tamnalu 230-‍kilaamita ukiuq tamaat apqut, malikhugu havanguyuq piyumiginia tamna Angiyuq Havanguyut Aapisia Prime Minista Carney uumani Matsi. Tamna apqut atatyutiginiaqta uuktut itiyumi Ukiuqtaqtuq tulakvik talvani Grays Bay angmaqnialu hivunikhami havanguyuq pivaliatitni zinc copperlu.

Minista Hodgson tamnaluttauq tuhaqhita $5-milian hanivaivi Glacies Technologies Inc. Una hanivainiq ikayuqniaqta puyuqpallaqtailini ahii uqhuqyuat uyarakhiuqvikni uunaqutai qingaitlu, tapkuat mikhigiaqtai puyuit akikhigiaqrutaunilu Ukiuqtaqtumi uyarakhiuqvit. Tamna havanguyuq uuktutauniaq talvani B2Gold, tamna guulit uyarakhiuqvik tahamani uataani Kitikmeot Avikhimaniani Nunavut.

Tahapkuat hanivaiviuni piruqtai tapkuat Kavamatkut Kanataup attaqtutqiyat pinahuaqni, titiqtai talvani 2026 Upinngaq Maniliurutit Nutanguqni Tuhaqhityutit, hivunmuktitni nunaqyuaq-piruqhaqni havagutai, hakugikhigiaqni atuqpiarialgit havakhat piqaqni atatyutit hanivaiviunilu Ukiuqtaqtuvut nautiumatit nunatagaunilu. Pititlugit hilaqyuaq piyumani pinariyauyut hatqiqpaliani Ukiuqtaqtuqlu niuvrutai aulariat atuqpiaqpaliani, atugakhaliavut hanivaivitlu piqpiaqtitniagai Kanata huniumaitnia ukpiriyaunia, havattiaqtut uyarakhiuqvit hakugikpiaqni atuqtittugit atukhaqtut ihuaqutauni nunaliknut hinaanit ninaanut hinaanut.

Uqauhiit

“Kinguagut pitqunia Grays Bay Apqut Tulakviklu tapkununga Angiyut Havanguyut Aapisia, tatya atuqtiliqtavut atugakhaliat hanivaiviuni angmariakha nunaqyuaq-piruqhaqnia pilaqnit. Una havanguyuq hakugikhigiaqniaqtai Kanataup Ukiuqtaqtuq nunatagaunia, angmaqni atuqpiarialgit havikhat, nakuuhivalliqni tikilaqni akituvallangitnilu avikhimaniani pinguqtitnilu atukhaqtut ayuqharuiqni Ukiuqtaqtumiut Nunaqaqaqtutlu nunaliuyut. Taimatut huna piruqhaqnia Kanata Hakugiktuq takuhaunia.”

Tamna Nanngarnaqtuq Tim Hodgson
Minista Ikumatyutit Nunamittutuqatlu Piqaqnit

“Tapkuat Kavamatkut Kanata tapkuatlu Angiyut Havanguyut Aapisia qilamiuqtitat havanguyut hanivaiviunilu pipkaiyut maniliurutit aglipkaqni, hakugikhigiaqni Ukiuqtaqtuq nunatagaunia pitaqnilu atuqpiarialgit havikhat piyauyumani aqagumut. Hanivaivigiplugu Ukiuqtaqtumi havagutit, hakugikhigiaqtavut atuqpiarialgit havikhat ilakhaqtaqvit, pinguqtitni maniliurutit pilaqnit pivalliqtitnilu Kanataup Ukiuqtaqtuq nautiumania nunatagaunialu kinguvakhanut – atuqpiaqtittugit Kanata hivuliqni ihuaqhihimalat ukpiriyatlu hilaqyuaq uyarakhiurniq hakugiknit atuqtittugit atuinaqni ihuaqutit Kanatamiunut.”

Tamna Nanngarnaqtuq Dominic LeBlanc

Angayuqaq tapkununga Kinguyup Uqautyiyit Katimayit Kanata tamnalu Minista havalik tapkununga Kanata-U.S. Himmiqtautit, Kavamaliqutit Havakvit, Inmingnilu Himmiqtautit tamnalu Atauhiq Kanatamiuni Maniliurut

“Hanivaivigini tamnatut Grays Bay Apqut Tulakviklu havanguyuq pityutilgit piruqhaqni hivituyumut pilaqni Nunavutmi. Nakuuhivalliqhugu pilaqnia avikhimanivut ikayuqtuqnia ihuaqhivalliqhimani uyarakhiquvik, havakhanguqtavut, hakugikhigiaqni nunaliuyut atuqpiaqni pivalianit Ukiuqtaqtumi piyauni katutyiqatigini Inuit atuqtitnilu ihuaqqutiqpiat tapkununga Nunavummiut.”

Lori Idlout
Katimayi Maligaliqutiqyuaq Nunavutmun

“Ikayuqtuqni tapkunanga First and Last Mile Fund (Hivulliq tamnalu Kingulliq Mailat Maniktat) atuqpiaqtitni tamna Grays Bay Apqut Tulakviklu Havanguyuq atuinaqniaq hivunmuknia. Una tunityut tapkunanga Nunamittutuqat Piqaqnit Kanata ikayuinalaitat atuqpiarialgit havikhat pivaliatitni tahamani Uataani Kitikmeot Avikhimania kihimiktauq pinguqtitni havakhat nanminilgitlu ayyikkiktumik nunaliptingni pipkaqnilu nuna tariuqlu aulatyutit hivuranaitni naahurilaqnilu. Pivalliqyumiyai Inuit Kanatamiutlu nunatagauni tahamani Ukiuqtaqtuq Aulariaq.”

David Omilgoitok
Ikhivautaliuqatauyuq, West Kitikmeot Resources Corp.

“Quyaqpiaqtugut ikayuqtuqni Kavamatkut Kanata hivunmuktitni uuktutivut talvani B2Gold Nunavutkut Goose Uyarakhiuqviat. Piiyaqnia carbon uyarakhiuqvikni Kanataup Ukiuqtaqtuani hivulliutyauyut havattiaqtunut aulattiyit, tamnatut B2Gold Nunavut, tapkunungalu Kavamatkut Kanata, aliahukpiaqtugut hivulirniq piiyaqni carbon havanguyut Nunavutmi.”

Maxim Bergeron
Angayuqaq Atannguyaqlu, Glacies Technologies Inc.

Kayumiktut Naunaiqhitit

• West Kitikmeot Resources Corporationkut Grays Bay Apqut Tulakviklu havanguyuq, pivaliatiqatigiyai Inuit katutyiqatit tahamani Kitikmeot avikhimania, pitquyauyut tapkununga Angiyut Havanguyut Aapisia (MPO) talvani Matsi 2026. Tapkuat MPO havaqatigiyai uuktutilgit naunairiangi maniktat ihuaqhautit piyarakitnilu maligaliqutit pityuhit qilamiuqni pivikhai huli naalakhugit Nunavutmi ayyikkutaittut nunatarutit aktuani naunaiyainiq havagutai nunaliknilu maligaliqutit avatai. Hananiahaqtitlugu huliniit ilaliutyaqniaqtai Inuit Qaujimajatuqangit, piqatigiknariqlugit pilaqnilu-piruqhaqni hivunmuktitni Nunaqaqaqtut hivuliqni, nunalikni havakhat hivituyumutlu ihuaqutit ukiuqtaqtumi nunalit.
• Tamna Kanatamiuni Atuqpiarialik Havikhait Atugakhaliat piniaqhimayut hivunmuktitni pivaliani atuqpiarialgit havikhat turangayutlu pinnariyat piyauni pipkaqni carbon pittailini maniliurutit ikayuqnilu hivunmuktitni pitquhiliqutit hanayaunilu.
• Piruqhaqni atuttiaqni Atuqpiarialgit Havikhat Havagutai Maniit (CMIF), tamna First and Last Mile Fund (Hivulliq tamnalu Kingulliq Mailat Maniktat) (FLMF) ikayuqtuqtat taphuminga $1.5 bilian kavamatuqatkut maniit, tuhaqhitni Maniktat 2025. Tamna FLMF piniat havagutai hanani ikayuqtuqni nutat uyarakhiuqvit maniliurutitlu aglivaliani uayarakhiuqvit avikhimanit, hivulliutyaqni havanguyut nuutitai Kanataup piqaqni niuviqtunut angilrami ahinilu atuttiaqtumik havattiaqnit. Ilitturiplugit tapkuat amihuniqhat piyaqaqpiaqni havikhaqaqnit pilaqtitnilu havagutit havanguyut Kanatami inilgit Nunaqaqaqtut nunatagaitni, tapkuat FLMF pipkaqniagai taihimayut maniktat pilaqni pilaqtitni Nunaqaqaqtut hivuliqtit, piqatauni pqataupkaqnilu uyarakhiurniq pinariyai atuqnini.
• Nunamittutuqat Piqaqnit Kanata maniktaqaqtitai Glacies Technologies Inc. atuqninut Ikumatyut Pigiarutit Havagut Uyarakhiurniq Carbon Piiyaqni Takukhautitni Ququarut Uuktutinut. Tamna Ikumatyut Pigiarutit Havagut ikayuqtai hivunmuktitni halumayut ikumatyut pitquhiliqutit ikayuqnia Kanata ihuaqhihimani atuqpaknit, naahurini akituvallangittutlu ikumatyut havagut huli nuutpaliani pukkittuq-carbon maniliurut. Atuqhugu Uyarakhiurniq Carbon Piiyaqni Takukhautitni Ququarut Uuktutinut, tamna havagut hanivaivigiyai pitquhiliqutit mikhigiaqtai piuyut nakuuhivalliqnilu ikumatyut piyarakitni humiliqak Kanataup uyarakhiuqvit.
• Tamna uyarakhiuqvit pipkaiyut akiliqtuittiaqtut, nakuuqpiaqtut havat Kanatamiunut humiliqak nunaqyuaqmi, ilautitlugu amihut ukiuqtaqtuq tikinarittutlu inait. 2024-mi, tamna havikhait haviitlu ilaa nanminiq havaktitai 438,000 inungnik ahiagutlu havaktitai ilagiarutit 286,000, katitlugit 724,000 inungnik. Talvani 2021 kititauni, Nunaqaqaqtut inungnik piyauyut 11 pusauyut uyarakhiuqvikni havakvit havaktit, ilagiya puqtuniqpat kivgaqtuini havakviuyuni.

Ilauyut Hunavaluit

• Prime Minister Carney announces ambitious new plan to defend, build and transform the North (Prime Minista Carney tuhaqhityutigiya pinahauqpiaqni nutaq parnaut hapummini, piruqhaqni nuutitnilu Ukiuqtaqtuq) (Matsi 12, 2026)

Ilauyut Atatyutit

• First and Last Mile Fund (Hivulliq tamnalu Kingulliq Mailat Maniktat) (FLMF)
• Kanatamiuni Atuqpiarialik Havikhait Atugakhaliat
• Angiyut Havanguyut Aapisia
• Ikumatyut Pigiarutit Havagut – Uyarakhiurniq Carbon Piiyaqni Takukhautitni Ququarut Uuktutinut

Turagat

Nunamittutuqat Piqaqnit Kanata
Tuhaqtittiyit Havaqatait
343-292-6096
media@nrcan-rncan.gc.ca

Charlotte Power
Aapisia taphuma Minista Ikumatyutit Nunamittutuqatlu Piqaqnit
Charlotte.Power@nrcan-rncan.gc.ca

Maliklugu Nunamittutuqat Piqaqnit Kanata talvani LinkedIn.