ᑐᓴᒐᒃᓴᖅ
ᒫᓐᓇ ᑐᓴᒐᒃᓴᖅ
ᒪᐃ 20, 2026 — ᐃᖃᓗᐃᑦ, ᓄᓇᕗᑦ ᓄᓇᒥᐅᑕᓕᕆᔨᒃᑯᑦ ᑲᓇᑕ
ᑲᓇᑕᐅᑉ ᒐᕙᒪᒃᑯᖏᑦ ᐋᕿᒃᓯᒪᔾᔪᑎᒃᓴᓄᑦ ᖃᕿᔾᔪᑎᒃᓴᓕᐅᖅᑐᑦ ᐱᕚᓪᓕᖁᓪᓗᒍ ᑲᓇᑕ ᐊᑦᑕᕐᓇᕈᓐᓇᖅᑐᓂᒃ ᐅᔭᕋᒃᓯᐅᖅᑕᐅᔪᓐᓇᖅᑐᓄᑦ, ᓴᖕᖏᒃᑎᒋᐊᕐᓗᒋᑦ ᐅᑭᐅᖅᑕᖅᑐᖅ ᓄᓇᖓ ᐊᒻᒪᓗ ᓴᕿᑦᑎᓗᑎᒃ ᐊᑯᓂᐅᔪᒃᑯᑦ ᒪᑭᒪᓇᓱᐊᕈᑎᒃᓴᑎᒍᑦ ᐊᔪᖅᓴᓐᖏᑦᑎᐊᕐᓗᑎᒃ ᐅᑭᐅᖅᑕᖅᑐᖅ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᓄᓇᖏᑦ.
ᐅᓪᓗᒥ, ᒥᓂᔅᑕ ᑎᒻ ᕼᑦᓴᓐ, ᒥᓂᔅᑕᖓ ᐆᒻᒪᖁᑎᓄᑦ ᐊᒻᒪᓗ ᓄᓇᒥᐅᑕᓕᕆᔨᒃᑯᑦ ᑲᓇᑕ, ᑐᓴᖅᑎᑦᑎᕗᖅ ᐅᖓᓵᓂ $55 ᒥᓕᐊᓐ ᒐᕙᒪᑐᖃᒃᑯᓂᑦ ᑮᓇᐅᔭᒃᓴᓂᒃ ᐱᑎᑕᐅᓂᐊᖅᑐᑦ ᒪᕐᕉᖕᓄᑦ ᓴᓇᔭᐅᓂᐊᖅᑐᓄᑦ ᐅᑯᐊᓗ ᓴᖕᖏᒃᑎᒋᐊᖅᑎᑦᑎᓂᐊᖅᑐᑦ ᐅᑭᐅᖅᑕᖅᑐᒥ ᓇᑉᐸᕆᐊᖃᖅᑐᓄᑦ, ᐃᑲᔪᖅᑐᑦ ᐊᐅᓪᓚᖅᑎᑕᐅᖃᑦᑕᕐᓂᐊᖅᑐᓂᒃ ᐊᔾᔨᒌᓐᖏᑑᑎᓂᒃ ᐊᒻᒪᓗ ᐃᑲᔪᖅᑐᑦ ᐋᕿᒃᓱᐃᓗᑎᒃ ᑲᓇᑕᐅᓂᑦ ᐅᔭᕋᒃᓯᐅᕈᓐᓇᖅᑐᓂᒃ.
ᑕᒪᐅᓐᓇ First and Last Mile ᑮᓇᐅᔭᒃᓴᓂᑦ ᐸᕐᓇᐃᓂᕐᒧᑦ ᐊᒻᒪᓗ ᓴᓇᕙᓪᓕᐊᓂᐊᖅᑐᓄᑦ ᐱᔭᒃᓴᓄᑦ ᐱᓇᖕᓇᖓᓂ ᕿᑎᕐᒥᐅᑦ ᐅᔭᕋᒃᓯᐅᖅᑎᑦ ᑯᐊᐳᕆᓴᓐ ᖁᕐᓗᖅᑐᐋᕐᔪᒃ ᐊᖁᑖ ᐊᒻᒪᓗ ᑐᓚᒃᑕᕐᕕᒃ ᓴᓇᔭᐅᓗᓂ ᐃᓚᖓ ᐊᖏᖅᑕᐅᓯᒪᓕᖅᑐᖅ ᑎᑭᐅᒪᓪᓗᓂ $50 ᒥᓕᐊᓐ. ᐅᓇ ᑮᓇᐅᔭᒃᓴᖅ ᐱᕚᓪᓕᕈᑎᓂᐊᖅᑐᖅ ᑐᒃᓯᕋᖅᑕᐅᓯᒪᔪᒥᒃ ᐃᑎᔪᒧᑦ ᐅᑭᐅᖅᑕᖅᑐᒥ ᑐᓚᒃᑕᕐᕕᒃᓴᖅᒧᑦ ᑕᐃᑲᓂ ᖁᕐᓗᖅᑐᐋᕐᔪᒃ ᐊᒻᒪᓗ 230-ᑭᓚᒦᑕᔅ ᖃᖓᓕᒫᖅ ᒪᑐᐃᖓᓂᐊᖅᑐᖅ ᐊᖁᑎᒃᓴᖅ, ᐱᔭᕇᖅᐸᑦ ᓴᓇᔭᐅᔪᖅ ᓅᑕᐅᓚᐅᖅᑐᖅ ᐊᖏᔪᓄᑦ ᓴᓇᔭᐅᔪᓄᑦ ᑎᑎᕋᕐᕕᖓᓄᑦ ᑖᔅᓱᒪ ᑲᓇᑕᐅᑉ ᓯᕗᓕᐅᖅᑎᖓᑕ ᑳᓂ ᑕᒪᑐᒪᓂ ᒫᑦᓯᒥ. ᐅᓇ ᐊᖁᑎ ᐊᑕᓂᐊᖅᑐᖅ ᑐᒃᓯᕋᖅᑕᐅᔪᒧᑦ ᐃᑎᔪᒧᑦ ᐅᑭᐅᖅᑕᖅᑐᒥ ᑐᓚᒃᑕᕐᕕᒃ ᑕᐃᑲᓂ ᖁᕐᓗᖅᑐᐋᕐᔪᒃ ᐊᒻᒪᓗ ᐸᖓᐃᖅᓯᒪᔪᓐᓃᕐᓂᐊᖅᑐᑦ ᓯᕗᓂᒃᓴᑦᑎᓐᓂ ᐱᕙᓪᓕᐊᑎᑕᐅᓗᓂ ᒪᒥᐊᖅ ᐊᒻᒪᓗ ᑲᓐᓄᔭᖅ.
ᒥᓂᔅᑕ ᕼᑦᓴᓐ ᑐᓴᖅᑎᑦᑎᓚᐅᖅᑐᖅᑕᐅᖅ $5-ᒥᓕᐊᓐ ᖃᑭᔾᔪᑎᒃᓴᖓᑦ ᑐᓂᔭᖓ Glacies Technologies Inc. ᐅᓇ ᖃᑭᔾᔪᑎᒃᓴᓕᐊᖓᑦ ᐃᑲᔪᕐᓂᐊᖅᑐᖅ ᐃᓵᕿᑎᑦᑎᓐᖏᓪᓗᑎᒃ ᐸᐅᕐᒥᒃ ᑏᓱᕐᒥᑦ ᐅᔭᕋᒃᓯᐅᕐᕕᐅᑉ ᐅᖂᓴᐅᑎᖏᓐᓂᑦ ᐊᒻᒪᓗ ᐳᔫᕐᕕᖏᓐᓂᑦ, ᐅᑯᐊᓗ ᐊᑦᑎᒃᓯᓯᒪᑎᑦᑎᓂᐊᖅᑐᖅ ᐃᓵᕿᓂᒃᒥᒃ ᐊᒻᒪᓗ ᐊᑭᒡᓕᒋᐊᕈᑎᓗᑎᒃ ᐅᑭᐅᖅᑕᖅᑐᒥ ᐅᔭᕋᒃᓯᐅᕐᕕᖕᓂ. ᐅᓇ ᓴᓇᔭᐅᔪᖅ ᑲᔪᓯᔪᓐᓇᕐᒪᖔᑦ ᑲᔪᓯᔪᓐᓇᓐᖏᒻᒪᖔᑦ ᑕᐃᑲᓂ B2Gold,ᒍᓗᓂᒃ ᐅᔭᕋᒃᓯᐅᖅᑐᖅ ᕿᑎᕐᒥᐅᓂ ᓄᓇᕗᒻᒥ.
ᐅᑯᐊ ᖃᑭᔾᔪᑎᒃᓴᑦ ᐋᕿᒃᓱᐃᓂᐊᖅᑐᑦ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐊᖏᓂᖅᓴᐅᔪᑦ ᐱᓕᕆᓇᓱᐊᖅᑕᖏᓐᓂᑦ, ᓇᓗᓇᐃᑦᑎᐊᖅᓯᒪᔪᑦ 2026 ᐅᐱᕐᖔᖅ ᒪᑭᒪᓇᓱᐊᕈᑎᒃᓴᓄᑦ ᖃᓄᐃᓕᖓᓕᕐᒪᖔᑕ ᓴᕿᑕᐅᓯᒪᔪᓂ, ᐱᕚᓪᓕᕈᑎᓂᐊᖅᑐᑦ ᑲᓇᑕᒥ - ᓵᓇᔭᐅᔭᕆᐊᖃᖅᑐᑦ ᐃᒡᓗᓂᒃ, ᓴᖕᖏᒃᑎᒋᐊᕐᓗᓂ ᐊᑦᑕᕐᓇᖅᑐᑦ ᐅᔭᕋᒃᓯᐅᒐᒃᓴᓄᑦ ᐱᓕᕆᓂᐊᖅᑐᑦ ᓂᐅᕕᖃᑦᑕᖅᑐᓪᓗ ᐊᒻᒪᓗ ᖃᑭᔾᔪᑎᒋᓗᒍ ᐅᑭᐅᖅᑕᖅᑐᑉ ᖃᐅᔨᓴᕈᑎᒃᓴᖏᓐᓄᑦ ᐅᓗᕆᐊᓇᖅᑐᒥᑕᐃᓕᓂᕐᒧᑦ ᐊᒻᒪᓗ ᓄᓇᖁᑎᒃᓴᖏᓐᓄᑦ. ᐅᓇ ᓯᓚᔪᐊᒥᑦ ᐱᔭᐅᔪᒪᔪᑦ ᐊᒃᓱᕉᑕᐅᔪᑦ ᐊᑭᑦᑐᕆᐊᖅᐸᓪᓕᐊᔪᑦ ᐊᒻᒪᓗᐅ ᑭᐅᖅᑕᖅᑐᒥ ᑕᐅᖅᓰᕐᓂᕐᒧᑦ ᐊᖁᑎᖃᕐᓗᓂ ᐱᒻᒪᕆᖑᐹᓪᓕᐊᕈᑎᓂᐊᖅᑐᑦ, ᐋᕿᒃᓯᒪᔾᔪᑎᒃᓴᕗᑦ ᐊᒻᒪᓗ ᖃᑭᔾᔪᑎᒃᓴᕗᑦ ᑕᐃᒪ ᑲᓇᑕ ᓱᓕᔪᒥᒃ, ᐱᔭᒃᓴᖃᑦᑎᐊᖅᑐᑦ ᐅᔭᕋᒃᓯᐅᕐᓂᒃᑯᑦ ᓴᖕᖑᓂᖅᐹᖑᓕᕐᓂᐊᕐᒪᑦ ᑐᓂᓯᓯᒪᓗᓂ ᐊᑯᓂᐅᔪᒧᑦ ᐃᑲᔫᑎᔪᒃᓴᓂᒃ ᓄᓇᓕᖕᓄᑦ ᑕᒪᐃᓐᓂ ᑲᓇᑕᐅᑉ ᐃᓱᐊᓂᑦ ᐃᓱᐊᓄᑦ.
ᐅᖃᖅᑕᐅᔪᑦ
“ᖃᐅᔨᒋᐊᖁᔭᐅᓯᒪᑎᓪᓗᖓ ᖁᕐᓗᖅᑐᐋᕐᔪᒃ ᐊᖁᑎ ᐊᒻᒪᓗ ᑐᓚᒃᑕᕐᕕᒃ ᐊᖏᔪᓄᑦ ᓴᓇᔭᐅᔪᓄᑦ ᑎᑎᕋᕐᕕᖓᓄᑦ, ᑐᓂᓯᓯᒪᓂᐊᓕᕋᑦᑕ ᐋᕿᒃᓯᒪᔾᔪᑎᒃᓴᓄᑦ ᖃᑭᔾᔪᑎᒃᓴᓂᒃ ᒪᑐᐃᖅᓯᓂᐊᕐᒪᑦ ᑲᓇᑕᒥ- ᐋᕿᒃᓱᐃᔪᓐᓇᕐᓂᖃᕐᕕᒃᐳᑦ. ᐅᓇ ᓴᓇᔭᐅᔪᖅ ᓴᖕᖏᒃᑎᒋᐊᖅᑎᑦᑎᓂᐊᖅᑐᖅ ᑲᓇᑕᐅᑉ ᐅᑭᐅᖅᑕᖅᑐᐊᓂᒃ, ᒪᑐᐃᖅᓯᓂᐊᖅᑐᑦ ᐅᔭᕋᒃᓯᐅᕐᕕᒃᓴᓂᒃ, ᐱᐅᓯᕚᓪᓕᕐᓂᐊᖅᑐᖅ ᐊᑐᕈᓐᓇᖅᑕᖏᑦ ᐊᒻᒪᓗ ᐊᑭᒡᓕᒋᐊᕐᓗᑎᒃ ᐊᕕᒃᑐᖅᓯᒪᔪᓂ ᐊᒻᒪᓗ ᓴᕿᑦᑎᓯᒪᓗᑎᒃ ᐊᑯᓂᐅᔪᒃᑯᑦ ᑮᓇᐅᔭᖃᕈᓐᓇᖅᑐᑦ ᐊᔪᖅᓴᓐᖏᓪᓗᑎᒃ ᐅᑭᐅᖅᑕᖅᑐᒥᐅᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᓄᓇᓕᖏᑦ. ᑕᕝᕙ ᑕᐃᓐᓇ ᓴᓇᓗᓂ ᑲᓇᑕ ᓴᖕᖏᔫᓂᐊ ᓴᕿᑦᑐᖅ.”
ᒥᓂᔅᑕ ᑎᒻ ᕼᐊᑦᓴᓐ
ᒥᓂᔅᑕᖓ ᐆᒻᒪᖁᑎᓄᑦ ᐊᒻᒪᓗ ᓄᓇᒥᐅᑕᓕᕆᔨᒃᑯᑦ ᑲᓇᑕ
“ᐅᑯᐊ ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪᓗ ᐊᖏᔪᓂᒃ ᓴᓇᔭᐅᔪᓄᑦ ᑎᑎᕋᕐᕕᖓ ᐱᒋᐊᓪᓚᒃᑎᑦᑎᓯᒪᔪᑦ ᓴᓇᔭᒃᓴᓂᒃ ᐊᒻᒪᓗ ᖃᑭᔾᔪᑎᓕᐅᖅᓯᒪᔪᑦ ᐱᓕᕆᓂᐊᕋᒥᒃ ᑮᓇᐅᔭᓕᐅᕈᓐᓇᕐᓂᖅ ᐱᕈᕐᓂᐊᕐᒪᑦ, ᓴᖕᖏᒃᑎᒋᐊᕐᓗᒍ ᐅᑭᐅᖅᑕᖅᑐᖅ ᓄᓇᖓ ᐊᒻᒪᓗ ᑎᑭᐅᑎᓗᒋᑦ ᐅᔭᕋᒃᓯᐅᒐᒃᓴᐃᑦ ᐱᔭᐅᔪᒪᔪᑦ ᐊᖃᒍ. ᖃᑭᔾᔪᑎᒃᓴᓕᐅᖅᖢᑕ ᐅᑭᐅᖅᑕᖅᑐᒥ ᓇᑉᐸᐃᓗᑕ, ᓴᖕᖏᒃᑎᓐᓂᐊᖅᑐᑦ ᐅᔭᕋᒃᓯᐅᖅᑕᐅᓲᓂᒃ ᓂᐅᕕᕈᒪᔪᑦ, ᓴᕿᑦᑎᓗᑎᒃ ᒪᑭᒪᔾᔪᑎᒃᓴᓄᑦ ᐱᕕᖃᖅᑎᑦᑎᓂᖅ ᐊᒻᒪᓗ ᐱᒋᐊᓪᓚᒃᑎᓪᓗᒍ ᑲᓇᑕᐅᑉ ᐅᑭᐅᖅᑕᖅᑐᒥ ᐊᑦᑕᕐᓇᖅᑐᖃᖅᑕᐃᓕᑎᑦᑎᓂᖓ ᐅᐊᑦᓯᓂᖓ ᐊᒻᒪᓗ ᓄᓇᖁᑎᖓ ᐊᒡᒋᖅᑐᓄᑦ ᐊᒥᓱᓄᑦ ᐊᕐᕌᒍᓄᑦ - ᐊᔪᔾᔮᓐᖏᑦᑐᑦ ᑲᓇᑕ ᓯᕗᓕᐅᖅᑎᐅᓕᕐᓗᓂ ᓄᖑᓱᐃᑦᑐᒥᒃ ᐊᒻᒪᓗ ᐃᒃᐱᒍᓱᑦᑎᐊᖅᑐᓂᒃ ᓯᓚᕐᔪᐊᒥ ᐅᔭᕋᒃᓯᐅᕐᓂᖅ ᓴᖕᖏᓂᖅᐹᖓ ᐊᑯᓂᐅᔪᒥᒃ ᐃᑲᔫᑎᓂᐊᖅᑐᖅ ᑕᒪᐃᓐᓄᑦ ᑲᓇᑕᒥᐅᓄᑦ.”
ᒥᓂᔅᑕ ᑕᒥᓂᒃ ᓚᑉᓚᒃ
ᐊᖓᔪᖅᑳᖓ ᑭᖕ ᑭᒡᒐᖅᑐᖅᑎᖏᑦ ᑲᓇᑕᒥ ᐊᒻᒪᓗ ᒥᓂᔅᑕ ᐱᔭᒃᓴᖃᖅᑐᖅ ᑲᓇᑕ-ᔪᓇᐃᑎᑦ ᓯᑕᐃᑦᔅ ᑕᐅᖅᓰᓂᕐᒧᑦ, ᐊᕙᑖᓂᑦ ᒐᕙᒪᓕᕆᔨᑦ, ᑕᐅᖅᓰᓂᕐᒧᑦ ᐃᒻᒥᒃᑯᑦ ᐊᖅᒪᓗ ᐊᑕᐅᓯᕐᒥᑦ ᑲᓇᑕ ᒪᑭᒪᔾᔪᑎᖃᕈᓐᓇᖅᑐᖅ.
“ᖃᑭᔾᔪᑎᒃᓴᓕᐅᖅᖢᓂ ᑕᐃᒫᒃᑕᐅᖅ ᖁᕐᓗᖅᑐᐋᕐᔪᒃ ᐊᖁᑖᓂᒃ ᐊᒻᒪᓗ ᑐᓚᒃᑕᕐᕕᒃ ᓴᓇᔭᐅᓗᑎᒃ ᐋᕿᒃᓱᐃᓂᐊᖅᑐᑦ ᐊᑯᓂᐅᔪᒃᑯᑦ ᐱᕕᖃᖅᑎᑦᑎᓂᕐᒥᒃ ᓄᓇᕗᒻᒥ. ᑕᐃᒫᒃ ᐱᐅᓯᕚᓪᓕᕐᓗᒋᑦ ᐃᓯᖅᑕᐅᔪᓐᓇᕐᓂᖓ ᐊᕕᒃᑐᖅᓯᒪᔪᑦ ᐊᒻᒪᓗ ᐃᑲᔪᕐᓂᖅᓴᐅᓗᑎᒃ ᐊᑯᓂᐅᔪᒥᒃ ᐅᔭᕋᒃᓯᐅᕐᓂᕐᒧᑦ, ᓴᕿᑦᑎᓂᐊᖅᑐᒍᑦ ᐃᖅᑲᓇᐃᔮᒃᓴᓂᒃ, ᓴᖕᖏᒃᑎᒋᐊᕐᓗᒋᑦ ᓄᓇᓖᑦ ᐊᒻᒪᓗ ᐱᕙᓪᓕᐊᑎᑦᑎᐊᕐᓗᒋᑦ ᐅᑭᐅᖅᑕᖅᑐᖅ ᐱᔭᕇᕐᓂᐊᖅᑐᖅ ᐱᓕᕆᖃᑎᒋᓗᒋᑦ ᐃᓄᐃᑦ ᐊᒻᒪᓗ ᑐᓂᓯᓗᑎᒃ ᐃᑲᔫᑎᓪᓚᕆᒃᑐᓂᒃ ᓄᓇᕗᒻᒥᐅᓄᑦ.”
ᓗᐊᕆ ᐃᓪᓚᐅᖅ
ᐃᓚᒋᔭᐅᔪᖅ ᑲᓇᑕᐅᑉ ᒪᓕᒐᓕᐅᕐᕕᒃᔪᐊᖓᓂ
“ᐃᑲᔪᕐᓗᒋᑦ First and Last Mile ᑮᓇᐅᔭᒃᓴᖅ ᐊᔪᕐᓇᔮᓐᖏᑦᑐᖅ ᖁᕐᓗᖅᑐᐋᕐᔪᒃ ᐊᖁᓯᐅᕐᕕᐅᓗᓂ ᐊᒻᒪᓗ ᑐᓚᒃᑕᕐᕕᓕᐅᖅᑕᐅᓗᓂ ᑲᔪᓯᓂᐊᕐᒪᑕ ᓅᑉᐸᓪᓕᐊᑎᐊᕐᓗᑎᒃ ᓯᕗᒻᒧᑦ. ᐅᓇ ᐃᑲᔫᑎᔪᖅ ᓄᓇᒥᐅᑕᓕᕆᔨᒃᑯᑦ ᑲᓇᑕ ᐃᑲᔪᕐᓂᖃᑐᐃᓐᓇᔮᓐᖏᑦᑐᖅ ᐅᔭᕋᒃᓯᐅᖅᑐᓂᒃ ᐱᓇᖕᓇᖓᓂ ᕿᑎᐅᒥᐅᑦ ᑭᓯᐊᓂᑦᑕᐅᖅ ᓴᕿᑦᑎᓂᐊᖅᑐᑦ ᐃᖅᑲᓇᐃᔮᒃᓴᓂᒃ ᐊᒻᒪᓗ ᓇᖕᒥᓂᖃᖅᑐᑦ ᐱᕕᖃᖅᑎᑕᐅᓗᑎᒃ ᓄᓇᑦᑎᓐᓂ ᐊᒻᒪᓗ ᓄᓇ ᐊᒻᒪᓗ ᑕᕆᐅᖅ ᐊᑦᑕᕐᓇᖅᑐᖃᕈᓐᓃᕐᓂᖅᓴᐅᓗᓂ ᐊᒻᒪᓗ ᐊᑑᑎᖃᕈᓐᓇᕐᓂᖅᓴᐅᓕᕐᓗᓂ. ᐱᒋᐊᓪᓚᒃᑎᑦᑎᓂᐊᖅᑐᖅ ᐃᓄᖕᓂᒃ ᐊᒻᒪᓗ ᑲᓇᑕ ᓄᓇᖁᑎᒋᓂᖓᓄᑦ ᐱᔾᔪᑎᒋᓪᓗᒍ ᓱᓪᓗᐊᓗᒃ ᐅᐊᓕᓂᕐᒥᑦ ᕿᑭᖅᑖᓗᖕᒧᑦ.”
ᑕᐃᕕᑦ ᐅᒥᓪᒍᐃᑐᒃ
ᐃᒡᓯᕙᐅᑕᖅ ᑐᖏᓕᖓ, ᐱᓇᖕᓇᖓᓂ ᕿᑎᕐᒥᐅᑦ ᐅᔭᕋᒃᓯᐅᖅᑎᑦ ᑯᐊᐳᕆᓴᓐ
“ᖁᕕᐊᓱᒃᐳᒍᑦ ᐃᑲᔪᖅᑕᐅᒐᑦᑕ ᑲᓇᑕᐅᑉ ᒐᕙᒪᒃᑯᖏᓐᓂᑦ ᓅᑉᐸᓪᓕᐊᓂᐊᕋᑦᑕ ᓯᕗᒻᒧᑦ ᑕᒪᑐᒥᖓ ᑲᔪᓯᔪᓐᓇᕐᒪᖔᑦ ᑲᔪᓯᔪᓐᓇᓐᖏᒻᒪᖔᑦ ᐅᔭᕋᒃᓯᐅᕐᓂᖅ B2Gold ᓄᓇᕗᑉ ᒎᔅ ᐅᔭᕋᒃᓯᐅᕐᕕᖓ. ᐸᐅᕿᔪᓐᓃᑦᑎᐊᕐᓗᒍ ᐅᔭᕋᒃᓯᐅᕐᕕᑦ ᐃᓂᖏᑦ ᑲᓇᑕᐅᑉ ᐅᑭᐅᖅᑕᖅᑐᐊᓂ ᐅᓇ ᓯᕗᓪᓕᐅᑎᔭᐅᓂᐊᖅᑐᖅ ᐊᐅᓚᑦᑎᓂᐊᖅᑐᓂᑦ, ᓲᕐᓗ ᑖᒃᑯᐊ B2Gold ᓄᓇᕗᑦ, ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦ, ᐊᒻᒪᓗ ᖁᕕᐊᓱᒃᐳᒍᑦ ᓯᕗᓕᐅᖅᑎᐅᓂᐊᕋᑦᑕ ᐸᐅᕿᓐᖏᑦᑎᐊᖅᑎᑦᑎᔪᓂᒃ ᓴᓇᓗᑕ ᓄᓇᕗᒻᒥ.”
ᒪᒃᓯᒻ ᐳᔪᕋᓐ
ᐊᖓᔪᖅᑳᖅ ᐊᒻᒪᓗ ᑐᑭᒧᐊᒃᑎ, Glacies Technologies Inc.
ᓇᐃᓈᖅᓯᒪᔪᑦ ᓱᓕᔪᑦ
- ᐱᓇᖕᓇᖓᓂ ᕿᑎᕐᒥᐅᑦ ᐅᔭᕋᒃᓯᐅᖅᑎᑦ ᑯᐊᐳᕆᓴᒃᑯᑦ ᖁᕐᓗᖅᑐᐋᕐᔪᒃ ᐊᖁᑖᓂᒃ ᐊᒻᒪᓗ ᑐᓚᒃᑕᕐᕕᒃ ᓴᓇᔭᐅᓗᑎᒃ, ᓴᕿᑕᐅᓯᒪᔪᖅ ᐃᓄᖕᓂᑦ ᐱᓕᕆᖃᑎᒌᖕᓂᑦ ᕿᑎᕐᒥᐅᓂ, ᑐᓂᔭᐅᓚᐅᖅᑐᖅ ᐊᖏᔪᓄᑦ ᓴᓇᔭᐅᔪᓄᑦ ᑎᑎᕋᕐᕕᖓᓄᑦ ᒫᑦᓯ 2026. ᐅᓇ ᐊᖏᔪᓄᑦ ᓴᓇᔭᐅᔪᓄᑦ ᑎᑎᕋᕐᕕᒃ ᓴᓇᖃᑎᖃᕐᓂᐊᖅᑐᖅ ᑐᒃᓯᕋᖅᑐᓂᒃ ᓇᓗᓇᐃᖅᓯᓗᑎᒃ ᑮᓇᐅᔭᒃᓴᖏᓐᓂᒃ ᐊᒻᒪᓗ ᐱᖁᔭᕋᓛᒃᓴᖏᓐᓂᒃ ᐃᖏᕐᕋᓯᑎᑦᑎᒋᐊᖅᓯᒪᓂᐊᖅᑐᑦ ᑭᖑᕙᖅᓯᒪᔪᖃᕐᓂᐊᓐᖏᒻᒪᑦ ᐃᒃᐱᒋᑦᑎᐊᖅᖢᒍ ᓄᓇᕗᑦ ᐊᔾᔨᒋᔭᐅᓂᖏᑦᑐᒥᒃ ᐊᖏᕈᑎᑦ-ᐋᕿᒃᓯᒪᓗᑎᒃ ᐊᒃᑐᐃᓇᔭᕐᓂᖓᓄᑦ ᖃᐅᔨᓇᓱᒃᑕᐅᑦᑎᐊᖅᓯᒪᔪᓄᑦ ᖃᓄᐃᓕᐅᕈᑎᒃᓴᖏᑦᑎᒍᑦ ᐊᒻᒪᓗ ᑕᐃᔅᓱᒪ ᐃᓗᐊᓂ ᐱᖁᔭᕋᓛᒃᓴᖏᑦ ᐊᕙᑎᒥᖕᓄᑦ. ᓴᓇᔭᐅᓂᐊᓵᕐᓂᖓᓂ ᖃᓄᐃᓕᐅᕆᐊᖃᖅᑐᑦ ᐃᓚᓕᐅᑎᓯᒪᓂᐊᖅᑐᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐱᒋᐊᓕᓵᖅᖢᑎᒃ ᑲᑎᒪᖃᑎᒋᓗᒋᑦ ᐊᒻᒪᓗ ᐱᓕᕆᕕᐅᔪᓐᓇᖅᑐᓂᒃ-ᐋᕿᓱᐃᓗᑎᒃ. ᐱᕚᓪᓕᖅᓯᒪᓂᐊᕐᒪᑕ ᐱᓕᕆᖁᔭᐅᔪᓂᑦ ᓄᓇᖅᑲᖅᑳᖅᓯᒪᔪᑦ ᓯᕗᓕᐅᖅᑎᖏᓐᓂᑦ, ᓄᓇᓕᖕᓂ ᐃᖅᑲᓇᐃᔭᖅᑎᑦᑎᓗᑕ ᐊᒻᒪᓗ ᐊᑯᓂᐅᔪᒃᑯᑦ ᐃᑲᔫᑎᔪᒃᓴᑦ ᐅᑭᐅᖅᑕᖅᑐᒥ ᓄᓇᖏᓐᓄᑦ.
- ᐅᓇ ᑲᓇᑕ ᐱᑦᑎᐊᓕᒻᒪᕆᒋᐊᓕᖕᓄᑦ ᐅᔭᕋᒃᓯᐅᖅᑕᐅᔪᓐᓇᖅᑐᓄᑦ ᐋᕿᒃᓲᑎᒃᓴᖏᑦ ᐸᕐᓇᐅᑎ ᑐᕌᖅᑐᖅ ᐱᕚᓪᓕᖅᑎᑦᑎᓯᒪᓗᑎᒃ ᐱᕙᓪᓕᐊᑎᑦᑎᓂᖓᒍᑦ ᐅᔭᕋᒃᓯᐅᖅᑕᐅᔪᓄᑦ ᐊᒻᒪᓗ ᑖᒃᑯᓇᖓᑦ ᐊᑑᑎᖃᖅᑐᓪᓗ ᓅᑉᐸᓪᓕᐊᕐᓂᕐᒧᑦ ᐸᐅᕿᓐᖏᑦᑐᓂᒃ ᒪᑭᒪᔾᔪᑎᖃᕐᓂᖅ ᐊᒻᒪᓗ ᐃᑲᔪᖅᑕᐅᔪᖅ ᓄᑖᓂᑦ ᐱᓕᕆᔾᔪᑕᐅᓕᖅᑐᓂᑦ ᐊᒻᒪᓗ ᓂᐅᕕᖃᑦᑕᕐᓂᕐᒧᑦ.
- ᐋᕿᒃᓱᐃᓂᖅ ᑲᔪᓯᑦᑎᐊᕈᓐᓇᖅᑐᖅ ᐅᔭᕋᒃᓯᐅᕐᕕᖕᓄᑦ ᑮᓇᐅᔭᒃᓴᖅ, ᐅᓇ First and Last Mile ᑮᓇᐅᔭᒃᓴᖅ (FLMF) ᑲᔪᖅᓯᒪᔪᖅ $1.5 ᐱᓕᐊᓐ ᒐᕙᒪᑐᖃᒃᑯᓂᑦ, ᑐᓴᖅᑎᑦᑎᓚᐅᖅᑐᑦ ᑕᐃᑲᓂ ᑮᓇᐅᔭᖅᑑᑎᒃᓴᓂᒃ 2025. ᐅᓇ FLMF ᑮᓇᐅᔭᒃᓴᖅ ᓇᑉᐸᕆᐊᖃᖅᑐᓄᑦ ᐃᑲᔪᕐᓂᐊᖅᑐᖅ ᓄᑖᓂᒃ ᐅᔭᕋᒃᓯᐅᕐᕕᖕᓂᒃ ᐊᒻᒪᓗ ᒪᑭᒪᔾᔪᑎᒃᓴᕗᑦ ᐱᕈᕐᓗᑎᒃ ᐅᔭᕋᒃᓯᐅᕐᓂᕐᒥ, ᓯᕗᓪᓕᐅᑎᓪᓗᒋᑦ ᐅᔭᕋᒃᓯᐅᕐᕕᑦ ᑖᒃᑯᐊ ᓅᑦᑎᓂᐊᖅᑐᑦ ᑲᓇᑕᒥᒃ ᓄᓇᒥᐅᑕᕐᒥᒍᑦ ᓂᐅᕕᖅᑕᐅᓗᑎᒃ ᐊᖏᕐᕋᒥᖕᓂ ᐊᒻᒪᓗ ᐊᑭᐅᓄᑦ ᐱᕚᓪᓕᕈᑎᓗᑎᒃ ᐊᒻᒪᓗ ᐱᓕᕆᑦᑎᐊᕐᓗᒋᑦ. ᐃᓕᓴᖅᓯᓯᒪᔪᑦ ᑕᒪᓐᓇ ᐊᖏᓛᖅ ᐊᑦᑕᕐᓇᕈᓐᓇᖅᑐᓂ ᐅᔭᕋᒃᓯᐅᖅᑕᐅᔪᓐᓇᖅᑐᓂᒃ ᐱᑕᖃᖅᑐᖅ ᐊᒻᒪᓗ ᐊᔪᕈᓐᓃᖅᑎᑦᑎᓂᐊᖅᑐᖅ ᓇᑉᐸᕆᐊᖃᖅᑐᓂᒃ ᓴᓇᔭᕆᐊᖃᖅᑐᓂᒃ ᑲᓇᑕᒥ ᐃᓂᖃᖅᑐᒃ ᓄᓇᖅᑲᖅᑳᖅᓯᒪᔪᓂ, ᐅᓇ FLMF ᑮᓇᐅᔭᒃᓴᖅ ᐊᖏᔪᒥᒃ ᑮᓇᐅᔭᒃᓴᖃᖅᑎᑦᑎᔪᓐᓇᖅᑐᖅ ᐊᔪᕈᓐᓃᖅᑎᑦᑎᓗᓂ ᓄᓇᖅᑲᖅᑳᖅᓯᒪᔪᑦ ᓯᕗᓕᐅᖅᑎᖏᓐᓂᒃ, ᐱᓕᕆᖃᑕᐅᔪᓂᒃ ᐊᒻᒪᓗ ᐃᓚᐅᓗᑎᒃ ᑕᒪᐃᓐᓂ ᐅᔭᕋᒃᓯᐅᕈᑕᐅᔪᒧᑦ ᐊᑑᑎᐊᖅᑐᑦ ᐊᑕᔪᓕᒫᓄᑦ.
- ᓄᓇᒥᐅᑕᓕᕆᔨᒃᑯᑦ ᑲᓇᑕ ᑮᓇᐅᔭᒃᓴᖃᖅᑎᑦᑎᔪᑦ ᑖᒃᑯᐊ Glacies Technologies Inc. ᑕᒪᐅᓐᓇ ᐆᒻᒪᖁᑎᖃᐅᑎᑦ ᓄᑖᑦ ᐱᓕᕆᔾᔪᑕᐅᓕᖅᑐᓄᑦ ᐅᔭᕋᒃᓯᐅᕐᕕᑦ ᐸᐅᕿᔪᓐᓃᖅᑎᓪᓗᒋᑦ ᐃᓕᓐᓂᐊᕈᑎᒋᓗᒍᓗ ᑐᒃᓯᕋᐅᑎᑦᑎᒍᑦ ᑮᓇᐅᔭᒃᓴᓂᒃ. ᐅᓇ ᐆᒻᒪᖁᑎᖃᐅᓄᑦ ᓄᑖᑦ ᐱᓕᕆᔾᔪᑕᐅᓕᖅᑐᑦ ᐃᑲᔪᖅᑐᖅ ᐱᕚᓪᓕᕈᑎᒃᓴᓄᑦ ᓱᕈᖅᓴᐃᓐᖏᑦᑐᓂᒃ ᐆᒻᒪᖁᑎᖃᐅᑎᖃᕐᑎᑦᑎᓗᑎᒃ ᐃᑲᔪᕐᓗᒍ ᑲᓇᑕ ᐊᔪᒋᓛᖑᓂᕐᒧᑦ ᑕᒪᑐᒥᖓ, ᐊᑑᑎᖃᒻᒪᕆᒃᑐᑦ ᐊᒻᒪᓗ ᐊᑭᑐᓐᖏᑦᑐᑦ ᐆᒻᒪᖁᑎᖃᐅᑎᖃᕐᕕᑦ ᐸᐅᕿᔭᕆᐊᖃᓐᖏᓐᓂᕐᒧᑦ ᓅᑉᐸᓪᓕᐊᓂᖅ ᒪᑭᒪᔾᔪᐅᔪᓂ. ᑕᒪᐅᓐᓇ ᐅᔭᕋᒃᓯᐅᕐᕕᑦ ᐸᐅᕿᔪᓐᓃᖅᑎᑦᑎᓂᕐᒥᒃ ᑐᒃᓯᕋᐅᑎᑦ ᑮᓇᐅᔭᒃᓴᐃᑦ, ᐱᓕᕆᑎᑦᑎᔾᔪᑕᐅᔪᖅ ᖃᑭᔾᔪᑎᓕᐅᖅᓯᒪᓕᖅᑐᖅ ᓄᑖᑎᒍᑦ ᐱᓕᕆᔾᔪᑕᐅᓕᖅᑐᑎᒍᑦ ᐊᑦᑎᒃᓯᓯᒪᑎᑦᑎᒥᕐᒧᑦ ᐸᐅᕿᔪᓂᒃ ᐊᒻᒪᓗ ᐱᐅᓯᕚᓪᓕᖅᖢᒋᑦ ᐆᒻᒪᖁᑎᖃᐅᑎᖃᕐᓂᖅ ᑕᒪᐃᓐᓂ ᑲᓇᑕᐅᑉ ᐅᔭᕋᒃᓯᐅᕐᕕᓕᒫᖏᓐᓂ.
- ᐅᔭᕋᒃᓯᐅᕐᕕᑦ ᑐᓂᓯᓯᒪᓂᐊᖅᑐᑦ ᐊᑭᓕᖅᓱᐃᑦᑎᐊᕐᓗᑎᒃ, ᐳᖅᑐᓂᒃ ᐃᖅᑲᓇᐃᔮᒃᓴᖃᖅᑎᑦᑎᓗᑎᒃ ᑕᒪᐃᓐᓄᑦ ᑲᓇᑕᒥᐅᓄᑦ ᑕᒪᐃᓐᓂ ᑲᓇᑕᒥ, ᐃᓚᒋᔭᐅᓗᑎᒃ ᐊᒥᓱᑦ ᐅᑭᐅᖅᑕᖅᑐᕐᒥᐅᑦ ᐊᒻᒪᓗ ᐃᓄᑭᑦᑐᒥᐅᑦ. ᑕᐃᑲᓂ 2024, ᐅᔭᕋᒃᓯᐅᕐᓂᖅ ᐊᒻᒪᓗ ᓴᕕᕋᔭᒃᓴᓕᕆᓂᖅ ᐃᖅᑲᓇᐃᔭᖅᑎᑦᑎᓯᒪᔪᑦ 438,000-ᓂᒃ ᐃᓄᑐᐃᓐᓇᓂᒃ ᐊᒻᒪᓗ ᐅᔭᕋᒃᓯᐅᕐᓂᕐᒧᑦ ᐊᑕᓐᖏᑦᑐᓄᑦ ᐃᖅᑲᓇᐃᔭᖅᑎᑦᑎᒋᓪᓗᑎᒃ 286,000-ᓂᒃ, ᑕᐃᒪᓗ ᑲᑎᓪᖢᒍ 724,000 ᐃᓄᑐᐃᓐᓇᐃᑦ. ᑕᐃᑲᓂ 2021 ᑭᒡᓕᓯᓐᓂᐊᕈᑎᓂᑦ, ᓄᓇᖅᑲᖅᑳᖅᓯᒪᔪᑦ ᐱᖃᑕᐅᓚᐅᖅᑐᑦ 11 ᐳᓴᑎ ᐅᔭᕋᒃᓯᐅᕐᕕᖕᓂ ᐃᖅᑲᓇᐃᔭᖅᑎᑦ, ᐊᕙᑖᓂᑦ ᐊᖏᓛᒥᒃ ᑭᒡᒐᖅᑐᖅᑕᑦ ᑲᒻᐸᓂᐅᔪᒥᑦ.
ᐊᑕᔪᑦ ᐱᖁᑎᑦ
- ᑲᓇᑕᐅᑉ ᓯᕗᓕᐅᖅᑎᒻᒪᕆᖓ ᑐᓴᖅᑎᑦᑎᔪᖅ ᐊᖏᓂᖅᐹᒥᒃ ᓄᑖᒥᒃ ᐸᕐᓇᐅᑎᒥᒃ ᓴᐳᓐᓂᐊᕈᑎᒃᓴᓂ, ᓴᓇᓗᓂ ᐊᒻᒪᓗ ᐊᓯᖑᐃᓗᓂ ᐅᑭᐅᖅᑕᖅᑐᓯᒃ (ᒫᑦᓯ 12, 2026)
ᐊᑕᔪᑦ ᖃᕆᓴᐅᔭᒃᑯᑦ ᓴᕿᑎᑕᒃᓴᐃᑦ
- First and Last Mile ᑮᓇᐅᔭᒃᓴᖅ (FLMF)
- ᑲᓇᑕᒥ ᐱᑦᑎᐊᓕᒻᒪᕆᒋᐊᓕᑦ ᐅᔭᕋᒃᓯᐅᖅᑕᐅᔪᓐᓇᖅᑐᑦ ᐋᕿᒃᓯᒪᔾᔪᑎᒃᓴᖅ
- ᐊᖏᔪᓄᑦ ᓴᓇᔭᐅᔪᓄᑦ ᑎᑎᕋᕐᕕᒃ
- ᐆᒻᒪᖁᑎᖃᐅᑎᒃᓴᓄᑦ ᓄᑖᓄᑦ ᐱᓕᕆᔾᔪᑕᐅᓕᖅᑐᑦ - ᐅᔭᕋᒃᓯᐅᕐᕕᑦ ᐸᐅᕿᔪᓐᓃᖅᑎᑦᑎᓂᕐᒧᑦ ᐃᓕᓐᓂᐊᕈᑎᑦ ᑐᑭᓯᕋᐅᑎᑦ ᑮᓇᐅᔭᒃᓴᓄᑦ
ᐅᖃᕐᕕᐅᔪᓐᓇᖅᑐᑦ
ᓄᓇᒥᐅᑕᓕᕆᔨᒃᑯᑦ ᑲᓇᑕ
ᑐᓴᒐᒃᓴᓕᕆᔨᒃᑯᑦ
343-292-6096
media@nrcan-rncan.gc.ca
ᓵᓚᑦ ᐸᐅᕗ
ᑎᑎᕋᕐᕕᖓ ᒥᓂᔅᑕ ᐆᒻᒪᖁᑎᖃᑎᓄᑦ ᐊᒻᒪᓗ ᓄᓇᒥᐅᑕᓕᕆᔨᒃᑯᑦ ᑲᓇᑕ
Charlotte.Power@nrcan-rncan.gc.ca
ᒪᓕᒃᑎᒍᑦ ᓄᓇᒥᐅᑕᓕᕆᔨᒃᑯᑦ ᑲᓇᑕ ᐅᕘᓇ LinkedIn.